صباغة طبيعية للشعر البني الغامق

#صباغة_طبيعي_للشعر_البني_الغامق

مكونات:

5 دراهم بابونج

5 دراهم كركديه

3 دراهم اوراق الكركاع

3 دراهم قشور الرمان

3 دراهم سالمية

3 دراهم ريحان

5 حبات العفصة تدير درهم للوحدة

3 معالق كبار اتاي حبوب

2 معالق كبار حنة

2 معالق خل التفاح

قشور الدنجال خضر

الطريقة :

اول حاجة طحني لعشوب كل حاجة بوحدها بعدما تشمشيها وخودي من كل حاجة معيلقة ونص مع قشور الدنجال مع 2 كيسان الماء وتخليهم يغلاوا فوق نار خفيفة حتى يطلقوا مزيان ويبقى عندنا قياس نص كاس

ونغليوا اتاي بوحدو في كاس كبير الماء ونخليوه حتى يولي عندنا نص المقدار ديال الماء .

من بعد نضيفوا المواد الي بقات عندنا غبرة نضيفوا لها الحنة ثم نخلطوها بالماء المركز الاول والخل واتاي ونضيفوا معلقة زيت الزيتون ونمشطوا شعرنا ونبداوا من الجدر الى الاطراف ونخليوه حتى تقريبا يتماسك فوق الشعر

ونغطيوه بالبوني ونخليوه 4 حتى 5 ساعات ومن بعد نغسلوه ولكن بلا شمبوان فقط بالغاسول وترشيه بمحلول الريحان وتخليه حتى ينشف وذهنيه

تكريها 2 حتى 3 مرات في الاسبوع باش تعطيك اللون لي بغيتي وتحصلي على شعر بني غامق و صحي ويتوقف التساقط ويرطاب ويتقوى وبالصحة والراحة .