طاجبن الزيتون بطريقة مبتكرة

طاجبن الزيتون بطريقة مبتكرة :

حطي في طنجرة  2ملاعق زيت + حبة كبيرة بصلة مسكرفجةو 2سنينات ثوم مسكرفجين + ملح +ملعقة صغيرة زعفران ، كركم،فلفل اسود، زنجبيل وورقة رند و دجاج على حساب واش عندك حمسيهم مليح ثم اضيفي الماء حوالي 2 كؤوس كي يغلى الماء اضيفي  3حبات جزر هكداك متقطعيهومش و كمية الزيتون بعدما تكوني غليتيه مرتين لكي تروحلو الملوحة ، وخليهم ينضجوا على نار متوسطة ،

لما ينضج الجزر انزعيه من الطنجرة 

من جهة اخرى حضري اللحم المفروم ( هنا الكمية حسب حجم الجزر الي عندك ) أضيفي 2أو 3 سنينات ثوم مرحي + ملح + فلفل اسود+ كمون+ البيض  حسب الحاجة 

ثم افرشي اللحم على النيلون سمك خشن ثم اعملي الجزرة تاعك ولفي كما في الصورة وفوريهم مدة نصف ساعة ثم انزعي النيلون برفق وديريهم في المرق وحطيهم يتحمروا شوية في الفرن مدة ربع ساعة ثم قطعيهم دوائر وزيني في الصحن بالمعدنوس المقطع .