Les tranches
المكونات
بالنسبه لبسكوي جنواز
4بيضات
100غ سكر
100غ فرينه منخوله
رشه ملح
فانيليا
هذا بالنسبه لبسكوي واحد اذا كان راح نخدموه بالكاكاو نديرو 80فرينه و20كاكاو
طبعا نحضرو العديد منهم
بالنسبه للحشو
نحتاجو كريم شونتي مخفوق عادي كيله شونتيي وكيله حليب بارد...او كريمة الزبدة حسب الرغبه كميه من كريمه تكون طبيعيه والاخرى نضيفولها شوي شوكولا نتحصل عل كريمه بنكهة الشوكولا
شاربات للسقي
نحتاجو كاس سكر عادي مع نصف لتر ماء وشريحة ليمون نحطوهم عالنار بعد مايغلو نحسبو 5د ونطفو
عطور pâte arôme مختلفه حسب الرغبه
نحتاج ايضا سوبر كريم اي نكهه
شوكولا مذابه مع قليل من الزيت كقلاساج
الطريقه
نحضر الجنواز..نخفق البيض والسكر مع رشة ملح وفانيليا جيدا حتى يتضاعفو ويبياضو ويولو مثل الموس نضيف الفرينه او خليط الفرينه والكاكاوعلى دفعات ونخلط من تحت لفوق حتى تتحانس نفرغوها في طبق مستطيل مفروش بورق الطهي ونسويها مليح وندخلها فرن ساخن على 180مدة 5د او 7د على الاكثر ونخليه يبرد
التركيب
نحط طبقة جنواز ونشربها مليح بالشاربات الى نكونو نكهناها حسب الرغبه بواسطة بانسو لازم نشربها مليح لازم كي نحط الاصبع ونضغط تخرج الشاربات ونحط طبقة من الكريمة تكون سميكه او رقيقه حسب الرغبه نسويها بالسباتيل ونحط طبقة جنواز اخرى ونضغط برفق نشربها مليح وطبقة كريمه ونسويها اخير طبقة كريمة ونليسيها جيدا وندخلها للمجمد
ونخليها 6ساعات حتى ينجح التقطيع
بالنسبه للتركيب نعمل طبقتين فانيليا وبيناتهم طبقة شوكولا او للثلاثه نديرهم فانيليا ..اما بالنسبه للشوكولا نعمل ثلاثة طبقات شوكووطبعا نستعمل كريمة شوكولا
بعدنخرجهم نديرلهم طبقة من السوبر كريم ونمشيها مليح بالسباتيل اي نكهة وبالنسبه لترانش شوكولا نديرلهم شوكولا مذوبه مع قليل من الزيت نصبها ومباشرة نخبط الطبق حتى تستوي
التقطيع
نحتاج لماء ساخن في ايناء عميق ندخل السكين الخاص بالجنواز في الماء الساخن ونقطع في كل مرة نمسح السكين وندخلو للماء ...الاشكال حسب الرغبه مستطيل مربع او مثلث
التزيين حسب الرغبه